|
| 07/06/2010 |
| A CÁMARA ABRE A INSCRICIÓN PARA PARTICIPAR NO PIPE |
| A Cámara de Comercio de Lugo abre o prazo de presentación de solicitudes para participar no Plan de Iniciación á Promoción Exterior 2010, máis coñecido como PIPE, no que poderán participar 8 pemes da provincia. Este programa naceu, hai case quince anos, coa finalidade de ampliar a base de empresas españolas que exportan dunha forma ordenada e habitual, conta coa participación de Cámaras de Comercio, ICEX, Xunta de Galicia e FEDER. Podemos dicir, que o PIPE é hoxe por hoxe unha ferramenta clásica para que a empresa aborde con éxito a súa internacionalización, independentemente do seu tamaño e do seu sector de actividade. |
Desde a súa posta en marcha participaron no programa un total de 36 empresas lucenses, das que aproximadamente un 70% son na actualidade exportadoras. O obxectivo da Cámara de Lugo é que o número de exportadoras da provincia siga aumentado, polo que neste ano o orzamento destinado a este programa ascende a 276.000€, que servirán para atender as necesidades de empresas xa activas e de oito novas empresas que se incorporarán o programa este ano.
O programa PIPE porá á disposición das empresas beneficiarias do mesmo, asesoramento especializado subvencionado para a súa internacionalización, así como apoio financeiro para executar o seu plan de promoción exterior. En caso de que a empresa o precise poderá contratar a un colaborador para incorporar ó departamento de internacional da súa empresa.
Trátase dun proceso integral e continuo que, a longo de dous anos, acompaña á empresa en todas as súas etapas de decisión co fin de alcanzar unha óptima internacionalización. Consta de 3 fases, a primeira de diagnóstico de posición competitiva e de potencial de internacionalización; a segunda de deseño do Plan Estratéxico de Internacionalización e a terceira de desenvolvemento e posta en marcha de dicho plan.
Para calquera dúbida poden poñerse en contacto co Departamento de Comercio Exterior da Cámara de Lugo no número de teléfono: 982 284300, ou no correo electrónico: relais@camaralugo.com
|
» Convocatoria
» Ficha inscrición
|
|
|
